Qendra Historike mbetet edhe pa një shtëpi të mbrojtur

Qendra Historike mbetet edhe pa një shtëpi të mbrojtur

07 mars 2018 09:00

Qendra Historike e Prizrenit, nga e marta, ka mbetur edhe pa një shtëpi që mban statusin e monumentit kulturor.

Monitoruesit nga shoqëria civile kanë raportuar për rastin e rrënimit të shtëpisë së familjes Hisari në Qendrën Historike të Prizrenit, monument ky kulturor i mbrojtur me Ligjin për këtë qendër, shkruan sot “Koha Ditore”. Ndërsa autoritetet e trashëgimisë kulturore kanë theksuar se sipas supozimit të tyre rrënimi i kësaj shtëpie të mbrojtur duhet të ketë ndodhur së paku dy muaj më parë, për faktin se në vend të saj është në ndërtim e sipër një ndërtesë e re.

Kryetari i Komunës së Prizrenit, Mytaher Haskuka ka pohuar se është në pritje të raportit të Inspektoratit për këtë rast dhe ka paralajmëruar aktivizimin e një qendre të thirrjes, me qëllim të raportimit të rasteve të kësaj natyre ashtu që të mundësohet reagimi më i shpejtë i organeve përgjegjëse.

Monitoruesit nga OJQ “EC Ma Ndryshe” të martën kanë bërë të ditur se në Qendrën Historike të Prizrenit është rrënuar shtëpia e familjes Hisari, e cila sipas tyre gëzonte mbrojtje me Ligjin për Qendrën Historike të Prizrenit... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme