Dashi

Dashi

21.03-20.04

Një takim i rastësishëm, por shumë domethënës si duket do t'ju ndodhë sot. Bëhu gati për të shtrënguar duart me dikë që do të ndikojë shumë në ju, aq sa do të mund t'ua ndërrojë mendimet lidhur me diçka që po ju shqetëson. Nuk është një nga ato ditët kur nuk keni rast të shihni askënd tjetër, përveç njerëzve me të cilët punoni. Shfrytëzojeni këtë mundësi pozitive.

Demi

Demi

21.04-20.05

Disa lajme që do të merrni do t’ju bëjnë të ndiheni sikur keni në duar gjithë botën. Një takim i bukur me partnerin, që ju ka munguar prej kohësh do të ndikojë shumë pozitivisht në kahun që do të marrë dita e sotme. Edhe në punë do të keni mundësinë më shumë se asnjëherë tjetër për të treguar talentin tuaj. Ju takon juve nëse do ta bëni këtë gjë apo do të preferoni të heshtni.

Binjakët

Binjakët

21.05-20.06

Sido që të ndiheni sot keni parasysh se nuk jeni vetëm. Njerëzit që keni afër janë shumë më të kuptueshëm sesa mund ta paramendoni dhe biseda me ta do të ndihmonte për t'u çliruar nga mllefi që keni. Po ashtu kjo ditë do të jetë e mirë për të komunikuar me të tjerët. Përfitoni nga rasti për të zgjedhur disa dilema.

Gaforrja

Gaforrja

21.06-20.07

Do të jeni në mëdyshje për çfarëdo vendimi që do t'ju duhej të merrnit gjatë kësaj dite. Këshilla më e mirë për ju është që t’i peshoni gjërat mirë dhe të vazhdoni tutje. Mos e pranoni zgjidhjen e parë që ju ofrohet pa hulumtuar ndonjë mundësi të dytë. Gjithçka do të jetë më e lehtë për t'u përballuar dhe falë energjisë pozitive do të jeni shoqëri e mirë për njerëzit që ju rrethojnë.

Luani

Luani

21.07-20.08

Entuziazmi juaj do të ketë një efekt në botën e jashtme sot. Nga mesi i ditës do të keni shëtitje të mrekullueshme dhe vazhdoni ta mbani disponimin e mirë, në mënyrë që të keni të garantuar një javë të këndshme. Do të përjetoni momente të mbushura me plot kënaqësi. Por duke nisur nga mbrëmja disponimi juaj i mirë do të fillojë të marrë një kah tjetër.

Virgjëresha

Virgjëresha

21.08-20.09

Sot fokusohuni më shumë në jetën private sepse ndodheni para situatave shumë të tensionuara me partnerin. Edhe familja juaj do t’ju kërkojë që të jeni më të vëmendshëm ndaj tyre. Këto gjëra do t’ju bëjnë të ndiheni keq, por shpejt do t’i tejkaloni. Mos e lini anash as shëndetin. Nëse ndieni simptomat e gripit më mirë mos dilni nga shtëpia.

Peshorja

Peshorja

21.09-20.10

Kënaqësia që ju jep puna kur kryhet me sukses duhet të merret si shtytje për të ecur para dhe të mos ndikojë në hapat e radhës. Sot do të merrni një telefonatë nga një person që ka kohë që ju ka munguar. Ndërsa pjesa tjetër e ditës nuk do të jetë kushedi sesa e favorshme për ju edhe pse nuk ka asgjë për t’u brengosur.

Akrepi

Akrepi

21.10-20.11

Provoni që të mos shqetësoheni shumë nga fjalët e të tjerëve e aq më pak të ndikoheni nga këshillat e personave që nuk janë edhe aq kompetentë për t’jua dhënë ato. Në fillim të ditës do të ndiheni shumë të relaksuar veçmas pasi të kuptoni se projekti juaj i fundit është kurorëzuar me suksese të mëdha. Bëni të pamundurën për të mbajtur këtë ritëm pune.

Shigjetari

Shigjetari

21.11-20.12

Ka kohë që keni pasur nevojën për një qortim të madh nga ana e një personi të afërt dhe pasi të ndodhë kjo gjë do të kuptoni se gjërat nuk kanë shkuar edhe aq mirë kohëve të fundit. Mësohuni t’u thoni “jo” disa gjërave të dëmshme të cilat ju rrezikojnë. Do të jetë një ditë e qetë pa tensione por nuk do të mund të kaloni mirë pasi që vetë ndërgjegjja juaj nuk do t’ua lejojë këtë gjë.

Bricjapi

Bricjapi

21.12-20.01

Sot do ta kuptoni se keni nevojë të reflektoni gjatë për sjelljen tuaj e sidomos për vendimet e fundit të cilat janë duke ju fundosur. Megjithatë, pjesa tjetër e ditës, në veçanti mbrëmja do t’ju sjellin një energji dhe vullnet të papritur me të cilin do të çuditeni edhe ju vetë. Shfrytëzojeni këtë kohë për të bërë miq të rinj.

Ujori

Ujori

21.01-20.02

Sot do të keni nevojë t’ia hapni zemrën një miku dhe të kërkoni ndihmë për zgjidhjen e problemeve. Dhuroni vetes një ditë të mrekullueshme duke dalë me shoqëri, sepse kjo gjë ju nevojitet më së shumti në këtë kohë. Mos mendoni shumë për telashet që keni pasur me partnerin. Lërjani atij që të marrë hapin e parë nëse ka dëshirë që gjërat mes jush të përmirësohen.

Peshqit

Peshqit

21.02-20.03

Edhe sot po luani lojën e dyfishtë që keni nisur prej kohësh. Duhet ta keni të qartë se mund të pësoni. Megjithatë brenda jush ekziston besimi se ky rrezik do t’ju shpërblehet. Mos u ankoni për gjendjen financiare para të tjerëve sepse ka njerëz që i kanë punët edhe më keq se ju.