Shtypi gjerman: Dështim i paparë i BE në Kosovë e Bosnje

Shtypi gjerman: Dështim i paparë i BE në Kosovë e Bosnje

08 shkurt 2018 10:54

Prezantimi i strategjisë së re të Komisionit Europian për Ballkanin ka ditë që ka drejtuar vëmendjen e shtypit gjerman drejt rajonit.

Gazeta gjermane "Frankfurter Allgemeine Zeitung" nën titullin "Ballkani Perëndimor merr miliarda nga BE", nënvizon se strategjia e re për Ballkanin jep një plan të qartë kohor dhe do t'i kushtojë shumë shtrenjtë unionit. "Komisioni propozon rritjen e ndihmave të anëtarësimit dhe të përfarimit me BE deri në vitin 2020. E paqartë mbetet se për çfarë shumash bëhet fjalë. Deri më tani ishin planifikuar për Ballanin Perëndimor nga viri 2018-2020 1,7 miliardë euro. Në dokumentin strategjik bëhet fjalë se 1,07 miliardë janë në plan vetëm për vitin 2018, kështu që tani mbetet vetëm të rriten shumat e 600 milionë eurove të mbetura për vitin 2019 dhe 2020."

FAZ sheh me sy kritik paratë që BE derdh në Ballkan. "Kaq shumë para derdhen në Ballkanin Perëndimor për forcimin e administratës, shtetit ligjor, ekonomisë së qëndrueshme dhe demokracisë e mirëqeverisjes. Por janë pikërisht këto fusha, ku Komisioni shikon deficitet më të mëdha, megjithë ndihmat miliardëshe prej vitesh."

Ndërsa gazeta gjermane "TagesZeitung" i kushton vëmendje perspektivës më të qartë kohore të integrimit të Serbisë në BE. TAZ thekson se Brukseli dhe Berlini mendojnë se Serbia është një faktor stabiliteti në Ballkan, por e kundërta është e vërtetë."Serbia dhe Mali i Zi do të mund të pranohen në vitin 2025. Po pse pikërisht vendet ku fjalën e kanë BE dhe institucionet ndërkombëtare janë të fundit në radhë? Në Kosovë dhe në Bosnje ka një administratë ndërkombëtare, polici ndërkombëtare, misione të shtetit ligjor, trupa ndërkombëtare. Pikërisht që këto shtete janë të fundit në radhë dhe kosovarët ende duhet të marrin vizë për në BE, është një dështim i paparë."

taz nënvizon se luftën kundër korrupsionit nuk e ka fituar njeri, dhe se të rinj të shkolluar largohen nga Ballkani për të ndërtuar një jetë të re në Gjermani, Austri, vendet skandinave dhe shtron pyetjen se "pse nderon kancelarja Merkel njeriun e fortë të Serbisë, Aleksandar Vuçiq, që e ka kthyer Serbinë në një "demokraturë", që refuzon përballjen me krimet e përgjakshme të viteve 90-të?" "Me sa duket ende ekziston përfytyrimi i gabuar, se Serbia është një faktor stabiliteti në Ballkan. Por nga koha e Millosheviqit në vitin 1991 duhej të dihej ndërkohë, se e kundërta është e vërtetë. Serbia nuk ka hequr dorë nga rifitimi i Kosovës, dhe ndarjen e Bosnje-Hercegovinës përgjatë linjës së frontit të vitit 1995..."

Ndërsa gazeta zvicerane, nën titullin "Sherifë të rinj për veriun e egër të Kosovës", nënvizon se në pjesën serbishtfolëse të vendit, Beogradi i ka vënë nën kontroll politikanët dhe përdor për këtë partnerë të dyshimtë. "Presidenti Vuçiq është i vendosur për procesin e normalizimit dhe ta dorëzojë këtë rajon në sistemin kosovar. Por kjo nuk do të thotë fund të influencës serbe -përkundrazi. Përmes partisë së unitetit të kontrolluar nga Beogradi, ai i kontrollon të gjitha rajonet me serbë. Në vend që të mbeten të varur nga shteti serb, subvencionimi do të bëhet në bazë të së drejtës kosovare përmes asociacionit të komunave serbe, të cilin e financon Beogradi."

Komentet

Dini4512/02/2018 11:02

Ne ketu ne Kosove, prore akuzojme faktorin politik vendas per te gjitha deshtimet ne raport me BE-ne, nderkohe qe vet gazetat perendimore vene ne dukje se deshtimi me i madh eshte pikerisht ne Bosnje dhe Kosove, aty pra, ku per cdo gje pergjegjes duhet te ishin nderkombetaret. Mjerisht por, i tille eshte ky mentaliteti yne skajshmerisht i coroditur qe vuajme, teper shume vuajme, ta fajsojme njeri tjetrin, sadoqe te gjithe jemi te vetedijeshem i kujt eshte faji. Aq me keq kur servilizmi, kjo dukuri e shemtuar, na ka molisur fizikisht po shume me teper edhe psiqikisht. Te ndalosh sot ne bisede me shumicen e sevileve dhe rastesisht te ankohesh per gjithe te keqijat, karshi shqiptareve ne raport me te tjeret, do e perjetosh ne menyren me cinike: "shyqyr qe i kemi nderkombetaret..!"

Vakti08/02/2018 15:10

Be-ja as që ashtë pritë të ketë suksese në Bosnje dhe Kosovë. Kjo për faktin se ka legjitimue masakrat e Serbisë në Ballkan. Shih për kte ka pranue një "Republikë serbe në Bosnje dhe të njejten po e ndërton edhe në Kosovë. Dhe këto republika serbe po ndërtohen në temelet e masakrave të tmerrshme në kohën ma moderrne në fund të shekullit të 20-të. Dhe jo vetëm kaç, serbët kurrë sjanë falenderues ndaj BE-së për këto privilegje. Gjithmonë kërkojnë edhe më shumë, bile edhe e akuzojnë BE-në. Siq ishte prononcimi i ministrit të mbrojtjes së Serbisë, Vulin i cili para do dite tha: "Çështjen kombëtare serbe nuk duhet lënë byrokratëve të BE-së"! Pra këto thirrje të Serbisë do të duhej të ishin një alarmë për Be-në. Që kësaj të fundit t`i nalet turri. E mandaj të flasim për suksese të BE-së në Ballkan në përgjithësi e për qashtjen e Kosovës në raport me Serbinë në veqanti.

Shto koment

Të ngjashme