LDK: Nuk e kuptojmë VV-në pse frikësohet nga rinumërimi

LDK: Nuk e kuptojmë VV-në pse frikësohet nga rinumërimi

27 nëntor 2017 15:58

Gazmend Muhaxheri, anëtar i kryesisë së LDK-së, ka thënë se kjo parti nuk po e kupton përse Vetëvendosje nuk po pranon rinumërim të votave të balotazhit në Prishtinë.

Shpend Ahmeti i Vetëvendosjes fitoi për 365 vota më shumë se Arban Abrashi i LDK-së, ndërsa kjo parti thotë se ka dyshimet e veta në procesin e numërimit dhe shton se dëshiron rinumërim që të ketë një rezultat të pranueshëm edhe nga LDK-ja.

“Ne mendojmë se është cenuar e drejta e kandidatit tonë Abrashi për rinumërim të votave. Një e drejtë demokratike për të parë a është fitorja ashtu siç është. Nuk po mundemi të kuptojmë frikën e VV-së për rinumërimin të votave. Është proces i hapur dhe normalisht nuk mund të pranohen rezultatet kur ka dyshime. Sikur të ishin të sigurt në fitore nuk do të kishin hezitim për rinumërim të votave për të pasur një rezultat të pranueshëm edhe nga pala jonë”, ka thënë Muhaxheri pas mbledhjes së kryesisë së LDK-së.

Sa i përket Istogut, LDK mendon se është proces kriminal. Aty fitoi Gani Dreshaj i AAK-së pas numërimit të votave me kusht ku mori shumicën për të përmbysur rezultatin ndaj Haki Rugovës së LDK-së.

“Kanë manipuluar me ndjenjat e qytetarëve dhe kanë dërguar 1300 fletëvotime me postë që janë identike njëra me tjetrën. Ka njerëz të vdekur që kanë votuar. Duhet të ndiqet procesi nga organet kompetente”, ka shtuar më tej ai.

© KOHA. Të gjitha të drejtat janë të rezervuara.

Komentet

hilmiasllani29/11/2017 14:50

deklarata të pakuptimta të një kryetari të një komune si kjo...shumë më e pakuptimt eshtë jë deklarat e till në kërkim të diqkaje që është ne kundërshtim me ligjin. Venja në pikëpyetje një procesi absolutisht demakratik, pa asnjë vërjtje ne gjith procesin dhe pa asnjë fakt të vetëm nuk i bën nder një krytari të kumunës. Kjo tregon një munges të gjykimit konsistenc të të gjitha zhvillimeve politike dhe juridike. Nuk ka rëndësi kush doli fitues sa ka rëndësi a ishte një proces i rregullt dhe a janë përmbush kriteret demokratike të votimit të lirë dhe pa ndikim dhe pa asnjë vërejtje teknike dhe në një atmfosferë demakratike...

Shto koment

Të ngjashme