Zgjedhjet lokale

Një vendvotim në Prizren shkon në rinumërim

Burim Ahmetaj nga Qendra e Numërimit të votave ka paraqitur raportin në mbledhjen e KQZ-së.

Ai ka thënë se në këtë qendër janë duke u procesuar votat. Ahmetaj ka thënë se deri më tani janë procesuar 98 për qind e formularëve. Pas kësaj ka thënë se do të procesohen votat me kusht dhe ato me postë.

Sipas tij, do duhet edhe dita e nesërme për t’i procesuar të gjitha votat. Ahmetaj po ashtu ka bërë të ditur se deri tani janë anuluar 22 zarfe të votimit me kusht në 8 vendvotimet në të cilat nuk ka pasur nënshkrim të votuesve në listë.

Në Prizren ka shkuar në rinumërim votash një vendvotim, transmeton KP.

KQZ-ja ka miratuar raport të prezantuar nga Ahmetaj në bazë të të cilit anulohen 22 zarfe të votimit me kusht dhe një vendvotim shkon ne rinumërim.

Vendvotimi që do të shkojë në rinumërim është 20008a/01R.

Në Prizren, pas rezultateve të para prin Mytaher Haskuka i Vetëvendosjes me 329 vota më shumë se Shaqir Totaj i PDK-së.