Ahmeti: Është e qartë se kush ka qenë i angazhuar për ta kthyer nëntokën në Prishtinë

Ahmeti: Është e qartë se kush ka qenë i angazhuar për ta kthyer nëntokën në Prishtinë

20 nëntor 2017 21:32

Për kryetarin aktual, njëherësh kandidat i Vetëvendosjes edhe për një mandat në krye të Prishtinës, Shpend Ahmeti, lajmet e fundit që vijnë nga KQZ-ja për gabim në futjen e të dhënave nga disa vendvotime, janë sinjal i qartë “se kush ka qenë i angazhuar për ta kthyer nëntokën në Prishtinë”.

Lexo edhe: KQZ thotë se gaboi në futjen e të dhënave në dy vendvotime, diferenca bie në 237 vota

“Po ashtu është e qartë sa paraja ka hy në këtë betejë kundër nesh. Koalicionet e fshehta të krejt këtyre të mbështetura prej portaleve kriminale nuk patën sukses. Tash kur po e dinë se edhe votat me kusht do ta konfirmojnë fitoren tonë po mundohen me shpifje e sulme të dezinformojnë”, ka shkruar Ahmeti në profilin e tij në Facebook.

“Ne jemi të fokusuar në mbrojtjen e çdo vote dhe mbrojtjen e fitores deri ne fund. Faleminderit të gjithëve për mbështetjen me të cilën nuk lejuam që krimi të kthehet në Prishtinë”, ka shtuar më tej ai.

© KOHA. Të gjitha të drejtat janë të rezervuara.

Komentet

Shto koment

Të ngjashme