Haradinaj si kryeministër u shpreh bashkëpunimin të gjithë kryetarëve të rinj

Haradinaj si kryeministër u shpreh bashkëpunimin të gjithë kryetarëve të rinj

19 nëntor 2017 20:08

Për kryeministrin e Kosovës, Ramush Haradinaj, Kosova ka zhvilluar edhe një proces të rëndësishëm, të drejtë e demokratik të zgjedhjeve dhe ka dëshmuar se është e përgatitur për të organizuar zgjedhje në standarde ndërkombëtare.

“E vlerësoj punën e madhe dhe të jashtëzakonshme të të gjitha institucioneve përgjegjëse për organizimin e zgjedhjeve dhe njëkohësisht edhe mekanizmat e sigurisë që janë përkujdesur për mbarëvajtjen e këtij procesi. I përgëzoj të gjithë qytetarët e Kosovës, në të gjitha komunat ku është zhvilluar raundi i dytë i zgjedhjeve, për pjesëmarrjen në këtë proces dhe pjekurinë e treguar politike duke shprehur vullnetin e tyre”, ka thënë Haradinaj.

Ka folur edhe për rezultatin e partisë së tij.

“Aleanca për Ardhmërinë e Kosovës ka dëshmuar në këto zgjedhje se është parti e organizuar dhe faktor i rëndësishëm politik në Kosovë. Uroj të gjithë kandidatët e AAK-së, që kanë fituar në komunat e tyre, përgëzoj të gjithë anëtarët e Aleancës dhe përkrahësit tanë për garën zgjedhore në të gjitha komunat dhe për përkushtimin për t’i qëndruar besnik vlerave tona”, ka thënë Haradinaj.

“Po ashtu i uroj edhe të gjithë kandidatët e partive të tjera, që kanë shënuar fitore në komunat e tyre, dhe shpreh bindjen time se do të kemi bashkëpunim të shkëlqyer, pavarësisht përkatësive partiake!

Kosova sot ka dëshmuar se është vend i demokracisë me perspektivë të qartë”.

© KOHA. Të gjitha të drejtat janë të rezervuara.

Komentet

Shto koment

Të ngjashme