Bahtiri akuzon PDK-në për përdorimin e “trenit bullgar” në një vendvotim

Bahtiri akuzon PDK-në për përdorimin e “trenit bullgar” në një vendvotim

19 nëntor 2017 14:47

Kandidati i AKR-së për kryetar të Mitrovicës, Agim Bahtiri, përmes një postimi në Facebook ka thënë se në shkollën “Ismail Qemali” është zënë një grua me dy fletëvotime të vulosura, ku njëra ishte për PDK-në dhe tjetra e zbrazët, transmeton Koha.net.

Ja postimi i plotë i Agim Bahtirit në Facebook:

Komisionarët tonë në klasën e tretë në shkollën "Ismail Qemali" në Mitrovicë, kanë identifikuar një grua duke dalë nga kabina e votimit me dy fletëvotime të vulosura. Njëra ishte e mbushur për PDK-në, ndërsa tjetra e zbrazët, gjë që vërteton përdorimit e "trenit bullgar" nga Klani Pronto.

Ftoj KQZ, Policinë dhe Prokurorinë që t'i ndërmarrin veprimet e nevojshme ligjore dhe mos ta lënë më tutje manipulime me vota.

Kjo i vërteton shqetësimet e mia drejtuar institucioneve të Kosovës dhe ambasadave të huaja, për tentimet e PDK-së që të manipulohen votat e qytetarëve sikurse në vitin 2009.

Njëkohësisht i ftoj qytetarët që të dalin masivisht në votime, duke e shfrytëzuar të drejtën e tyre kushtetuese

© KOHA. Të gjitha të drejtat janë të rezervuara.

Komentet

Shto koment

Të ngjashme