Bashota i premton Gllarevës palestër sportive

Bashota i premton Gllarevës palestër sportive

17 nëntor 2017 10:36

Klinë, 17 nëntor - Kandidati i PDK-së për kryetar të Komunës së Klinës, Sokol Bashota, ka marrë mbështetje të fuqishme në njërin nga bastionet e kësaj komune, në fshatin Gllarevë të Klinës që përfshinë fshatrat Rigjevë, Stapanicë dhe Zabergjë, thekson njoftimi i Stabit Zgjedhor të tij. Bashota në Gllarevë ka premtuar ndërtimin e një palestre sportive dhe rregullimin e gjithë infrastrukturës së nevojshme, trotuar, kanalizim, ujësjellës e tjera.

“Vendimi i qytetarëve për të mbështetur PDK-në në rundin e balotazhit, është vendim për ta fuqizuar Klinën, për ta zhvilluar dhe për ta bërë të sigurt ecjen përpara në mandatin e ri katërvjeçar. Ne kemi bërë punë të mëdha, por përpara kemi ende shumë sfida për t’i tejkaluar. Duke u bazuar në besimin e kësaj nëndege dhe gjitha nëndegëve tjera të Klinës, fitorja e PDK-së do të jetë edhe me e fuqishme se në rundin e parë”, tha Bashota. Ai bëri thirrje që të mbështetet PDK-ja dhe jo blloku opozitar të cilët kanë bërë pazare politike për ndarjen e pushtetit ku përfitojnë vetëm tre apo katër individë.

Komentet

Shto koment

Të ngjashme