Abrashi: Koalicioni VV-AKR pas presionit të Rrahim Pacollit

Abrashi: Koalicioni VV-AKR pas presionit të Rrahim Pacollit

14 nëntor 2017 20:13

Kandidati i LDK-së për kryetar të Prishtinës, Arban Abrashi, ka thënë se koalicioni i kundërkandidatit të tij për balotazhin e 19 nëntorit, Shpend Ahmetit të VV-së me AKR-në dhe Selim Pacollin, ka ndodhur për shkak të presionit nga sekretari organizativ i AKR-së, Rrahim Pacolli.

“Jam takuar edhe unë me Selim Pacollin, por s’ka pas lëvizje konkrete. Ka pas një takim sipërfaqësor, por siç duket ka qenë presioni i Rrahim Pacollit që të realizohet koalicioni me VV-në. Kemi parë fotot dhe ajo që diskutohet është që AKR ka pasur presion nga Rrahim Pacolli”, ka thënë Abrashi.

Në Rubikon të KTV-së, Abrashi ka thënë se koalicioni i tij me Arbër Vllahiun dhe AAK-në është plotësisht i natyrshëm “sepse të dy partitë i takojnë krahut të djathtë”.

Abrashi ka thënë se nuk planifikon koalicione të tjera në Prishtinë dhe se është i bindur që do të përmbysë rezultatin e raundit të parë në të cilën Ahmeti doli i pari me rreth 7 mijë vota më shumë se Abrashi.

© KOHA. Të gjitha të drejtat janë të rezervuara.

Komentet

Adnan rexhepi15/11/2017 11:05

Pyetje per Abrashin; Qfar plane ka per shtepiat e vjetra ne qender te qytetit rruga Hajdar Dushi?

Shto koment

Të ngjashme