Haskuka: Në fund të javës i publikojmë marrëveshjet për balotazhin

Haskuka: Në fund të javës i publikojmë marrëveshjet për balotazhin

10 nëntor 2017 08:48

Kandidati i Lëvizjes Vetëvendosje për kryetar të Prizrenit, Mytaher Haskuka , ka bërë të ditur se deri në fund të kësaj jave do t’i publikoj marrëveshjet e arritura me subjektet e tjera politike për bashkëqeverisje. Ai ka konfirmuar se për balotazh ka marrë mbështetje nga kandidati i LDK-së, Hatim Baxhaku menjëherë pas përfundimit të raundit të parë dhe se është afër përmbylljes së ujdisë me Zafir Berishën e NISMA-s.

“Marrë parasysh rezultatin e zgjedhjeve ku dy të tretat e qytetarëve kanë votuar për ndryshim dhe kundër vazhdimit të qeverisjes aktuale, unë jam në kontakt të vazhdueshëm me kandidatët e subjekteve që nuk kane hyrë në balotazh, në mënyrë që së bashku të krijojmë një front për ndryshim, të cilin e presin qytetarët tanë, shkruan sot Koha Ditore.

Deri tashti gatishmëri për bashkëpunim më kanë shprehur Hatim Baxhaku, qysh pas daljes së rezultateve të para, si dhe Zafir Berisha, i cili ka shprehur interesim me serioz për lidhje të bashkëpunimit mes subjekteve tona. Takime kemi pasur edhe me AAK-në, KDPT-në dhe NDS”-në, ka thënë Haskuka.

Ai ka theksuar se pos për balotazh ka nevojë për bashkëpunim edhe për qeverisjen 4-vjeçare, pasi që raportet e vendeve në KKK janë të tilla.

(Më gjerësisht lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.

Komentet

Shto koment

Të ngjashme