LDK, PDK dhe AKR bashkohen kundër VV-së në Kamenicë

LDK, PDK dhe AKR bashkohen kundër VV-së në Kamenicë

10 nëntor 2017 08:23

Kandidati i Lidhjes Demokratike të Kosovës për kryetar të Kamenicës, Shaip Surdulli, ka konfirmuar marrëveshjen politike të arritur me Partinë Demokratike të Kosovës dhe Aleancën Kosova e Re në këtë komunë.

Surdulli në facebook ka shkruar se marrëveshja politike e arritur ka qenë në kordinim me strukturat e tri subjekteve politike LDK, AKR dhe PDK dega në Kamenicë.

“Kryetarit të Degës Emin Krasniqi, ish kandidatit Kujtim Gashi dhe strukturave të degës së PDK-së në Kamenicë, i falënderoj për mbështetjen dhe i inkurajoj që të punojmë së bashku me njerëz të mirë dhe profesional duke i shërbyer qytetarit me ndershmëri dhe dinjitet. Interesi ynë i përbashkët është zhvillimi i Kamenicës për një jetë më të mirë të qytetarëve tanë pa dallim, bashkëpunimi i ngushtë me bizneset lokale dhe krijimi i mundësive për investorë vendas apo të jashtëm, duke ofruar të gjitha resurset natyrore dhe institucionale”, ka shkruar ai në facebook.

Surdulli ka falënderuar edhe qytetarët për vlerësimin e drejtë që po e bën, duke u rreshtuar nga njerëzit që kanë punuar, punojnë dhe do të punojnë për Kamenicën.

Komentet

Shto koment

Të ngjashme