Zgjedhjet lokale

Përfundon numërimi i të gjitha votave, nesër rezultati final

Në Qendrën e Numërimit dhe Rezultateve është përmbyllur numërimi i votave me kusht dhe votave të personave me nevoja të veçanta për kryetarë të komunave, ka njoftuar zëdhënësi i KQZ-së, Valmir Elezi.

Në zgjedhjet lokale, për kryetar të komunave, numri i përgjithshëm votave me kusht dhe votave të personave me nevoja të veçanta, të konfirmuara, ka qenë rreth 11 mijë.

Elezi ka njoftuar se Komisioni Qendror i Zgjedhjeve do t'i shpallë nesër rezultatet përfundimtare të zgjedhjeve për kryetarë të komunave, raporton Ksp.