Zgjedhjet lokale

Degët e diasporës do të ndihmojnë komunat që LDK-ja është në balotazh

Kryetari i LDK-së, Isa Mustafa, priti në takim kryetarin e Degës së LDK-se në Zvicër Arif Baftiu dhe nënkryetarin e nëndegës në Solothurn, Ahmet Kosumi.

Mustafa i njoftoi për zhvillimet e fundit, për procesin zgjedhor në Zgjedhjet Lokale 2017 dhe për fitoren e LDK-së.

“Kryetari i Degës së LDK-së në Zvicër Arif Baftiu e përgëzoi Mustafën për punën e deritanishme’, thuhet në njoftimin e LDK-së.

Në takim gjithashtu u diskutua për ditët në vijim dhe bashkëpunimin me degët e diasporës për të ndihmuar komunat që LDK-ja është në balotazh.

“LDK-ja do të triumfoj edhe në raundin e dytë të Zgjedhjeve Lokale, për kryetar komunash”, përfundon kumtesa.