Raundi i dytë i zgjedhjeve mbahet më 19 nëntor

Raundi i dytë i zgjedhjeve mbahet më 19 nëntor

23 tetor 2017 14:47

Në Qendrën e Numërimeve dhe të Rezultateve, aktualisht është duke vazhduar pranimi i materialit të ndjeshëm zgjedhor nga komunat e Kosovës.

Deri më tani ky material i ndejshëm zgjedhor është pranuar nga një numër i madh i Komunave dhe procesi është duke vijuar normalisht. Këtë e ka bërë të ditur zëdhënësi i Komisionit Qendror të Zgjedhjeve (LQZ), Valmir Elezi.

Ai në një deklaratë për Kosovapress, ka thënë se koha se kur do të mbahet raundi i dytë i zgjedhjeve për kryetar të komunave është e përcaktuar me ligj dhe se sipas ligjit i bie se do të mbahet katër javë pas ditës së raundit të parë apo me 19 nëntor .

“Në Qendrën e Numërimeve dhe të Rezultateve , aktualisht është duke u vazhduar të pranohet materiali i ndjeshëm zgjedhor ,nga komuna të ndryshme të Kosovës. Deri më tani ky material i ndejshëm zgjedhor është pranuar nga një numër i madh i Komunave dhe procesi është duke vijuar normalisht. Gjithashtu në QNR ka filluar skanimi i formularëve të rezultateve , për gjitha vendvotime, par pas skanim për çështje transparence këto fotokopje apo fotografi të formularëve e do të publikohen në ueb faqen KQZ-së, ku të gjithë kandidatët për kryetar të komunave por edhe për kuvende komunale mund të shohin rezultatin e tyre për secilin vendvotim”, tha Elezi.

Sipas tij në QNR do të bëhet skanimi i listës së votuesve dhe pas kësaj do të fillohet më një proces tjetër siç është numërimi i votave me kusht, votave të cilat kanë ardhur përmes postës dhe votave të personave me nevoja të veçanta. Puna e KQZ-së, sipas Elezit, tani është orientuar drejtë shpalljes së rezultateve përfundimtare e që kjo sipas tij, do të bëhet sa më të shpejtë që është e mundur.

“Numërimi i fletëvotimeve ka përfunduar në vendvotime gjatë mbrëmjes të së dielës pra pas përfundimit të votimit menjëherë në vendvotime ka filluar numërimi i fletëvotimeve dhe ky proces ka përfunduar brenda pak orësh. Ndërkaq në QNR ka vetëm numërim të fletëvotimeve të votave me kusht, pastaj votave të personave me nevoja të veçanta dhe të votave të cilat kanë ardhur përmes postës. Ky proces do të filloj pas përfundimit të skanimit të listës përfundimtare të votuesve të listës përfundimtare të votuesve nga vend votimet e rregullta “, tha ai.

Elezi i pyetur se kur do të mbahet raundi i dytë i zgjedhjeve për kryetar të Komunave , ka thënë se ajo sipas ligjit i bie me 19 nëntor.

“Koha se kur do të mbahet raundi i dytë i zgjedhjeve për kryetar të komunave është e përcaktuar me ligj , pra do të mbahet katër javë pas ditës së raundit të parë që i bie me 19 nëntor . Ndërkaq kohëzgjatja e fushatës për këtë raund të dytë të zgjedhjeve do të përcaktohet me vendim nga ana e KQZ-së”, tha Elezi.

Ai beson se që pasi të kenë rezultatet përfundimtare KQZ-ja do të caktojë edhe kohën e mbajtjes së fushatës elektorale për subjektet politike të cilat do të jenë në garë për kryetar komune.

Komentet

Shto koment

Të ngjashme