Veseli: Askush nuk duhet të jetë i pakënaqur nga zgjedhjet

Veseli: Askush nuk duhet të jetë i pakënaqur nga zgjedhjet

23 tetor 2017 13:33

Nga procesi zgjedhor i zhvilluar dje në tërë territorin e Kosovës,Partia e Demokratike e Kosovës (PDK) prej shtatë qendrave më të mëdha në vend, prin në tri prej tyre, në Prizren, në Mitrovicë dhe Ferizaj.

Kryetari i PDK-së, njëherësh kryetar i Kuvendit, Kadri Veseli, deklaroi sot se janë të sigurt se do të fitojnë në këto tri komuna në balotazh, me besimin e qytetarëve, për arsye se platforma programore e PDK është e orientuar drejt përmirësimit të jetës së qytetarëve dhe në të njëjtën kohë fuqizimit të atyre qyteteve.

Ai ka shtuar se askush nuk duhet të jetë i pakënaqur me rezultatin e zgjedhjeve, sepse Kosova i ka dhënë vulë se nuk ka asnjë hezitim drejtim orientimit të vet perëndimor.

Këto komente Veseli i bëri pas mbledhjes së Kryesisë së Kuvendit, ku u caktua mbledhja e seancës së radhës, e cila do të mbahet të mërkurën për shqyrtimin e rishikimit të buxhetit 2017, transmeton transmetuesi publik i vendit.

“Kemi pri bukur dukshëm në komunat më të mira të Republikës së Kosovës ose në tri nga shtatë komunat më të mëdha jemi ne e vetmja parti që jemi fuqishëm përpara, dhe jemi të sigurt se do të fitojmë me besimin e qytetarëve gjithmonë, për arsye se platforma jonë programore është e orientuar drejt përmirësimit të jetës së qytetarëve dhe në të njëjtën kohë fuqizimit të atyre qyteteve”, deklaroi Veseli.

Me procesin zgjedhor të mbajtur më 22 tetor, kreu i PDK-së tha se ajo çka është më pozitive, është se më së shumti ka fituar Kosova.

“Besoj se më datën 22 ajo çka është më pozitive, është se më së shumti ka fitua Kosova, kemi quar një sinjal tepër të mirë, në rend të parë në procesin i cili ka qenë jashtëzakonshëm dhe aspekti dytë është orientimi perëndimore. Kosova i ka dhënë vulë se nuk ka asnjë hezitim drejtim orientimit të vet perëndimor. Të gjithë jemi të kënaqur, kush është i pa kënaqur nuk duhet me qenë , ky është vullneti i qytetarëve”, tha Veseli.

Anëtarët tjerë të Kryesisë nuk janë deklaruar për media.

Komentet

Shto koment

Të ngjashme