Policia nxjerr bilancin e rasteve ku iu deshtë të ndërhyjë, janë 14 raste Foto: Koha / Ilustrim

Policia nxjerr bilancin e rasteve ku iu deshtë të ndërhyjë, janë 14 raste

22 tetor 2017 20:30

Mbajtja e zgjedhjeve lokale në vend dhe angazhimet e Policisë së Kosovës në garantimin e sigurisë së përgjithshme në këtë proces.

Përmes një komunikate për media Policia e Kosovës thotë se realizoi me sukses planin operativ për mbarëvajtjen e zgjedhjeve lokale, që kishte për qëllim ofrimin e sigurisë si dhe mbajtjen e rendit, qetësisë dhe sigurisë publike në vend para-gjatë dhe pas procesit të zgjedhjeve në tërë territorin e Republikës së Kosovës, transmeton Koha.net.

Pjesë e planit policor ka qenë edhe inicimi dhe procedimi i çdo vepre penale kundër të drejtës së votimit dhe ndërmarrja e të gjitha masave procedurale/penale ndaj çdokujt që bie ndesh me ligjet e vendit, që sanksionojnë veprimet e kundërligjshme ndaj zgjedhjeve të lira dhe demokratike

Vlen të theksohet se vlerësuar në aspektin e sigurisë në përgjithësi procesi zgjedhor ka kaluar i qetë dhe pa incidente madhore, të cilat në një mënyrë apo tjetër nuk kanë ndikuar në mbarëvajtjen e procesit zgjedhor.

Referuar informacioneve zyrtare janë evidentuar disa raste të ndryshme, por që me veprimet profesionale dhe të menjëhershme janë menaxhuar me sukses nga autoritetet kompetente, Policia e Kosovës dhe Prokuroria e Shtetit.

Rastet që Policia i sjellë janë si më poshtë:

Në Policinë e Kosovës në gjithë territorin e vendit janë evidentuar disa raste penale, si dhe katërmbëdhjetë (14) incidente të natyrave të ndryshme, të cilat Policia e Kosovës i ka trajtuar dhe menaxhuar me sukses sipas procedurave të parapara ligjore.

Vlen të potencohet se Policia e Kosovës, në këtë rast zyrtarët kufitar të PKK-Jarinje, sot rreth orës 12:40 në hyrje të RKS-së kanë ndaluar për kontroll një autobusë udhëtarësh me targa KG, në të cilin janë gjetur mjete të dyshimta shpërthyese.

Pas verifikimit të mjeteve të dyshuara ka rezultuar të jenë dy granata dore dhe dy detonator elektrik të cilët në mënyrë të kontrolluar janë larguar nga njësitet kompetente.

Si rezultat i punës dhe veprimeve të zyrtarëve policor lidhur me këtë rast janë shoqëruar tre persona të dyshuar serb në stacion policor.

Lidhur me këto raste në cilësinë e personave të dyshuar me vendim të prokurorit kompetentë janë ndaluar pesë persona.

Të gjitha veprimet e mëtejme do të ndërmerren në konsultim dhe koordinim me prokurorët kompetent.

Policia e Kosovës mbetet e përkushtuar në garantimin e rendit kushtetues, krijimin e një ambienti të qetë dhe të sigurt për të gjithë qytetarët, duke përfshirë mbrojtjen e të drejtave njerëzore në përgjithësi deri në përfundim të gjithë procesit zgjedhor.

© KOHA. Të gjitha të drejtat janë të rezervuara.

Komentet

Shto koment

Të ngjashme