Kusari Lila e brengosur me mos-pastrimin e listave, pret nga komisionerët të kryejnë detyrat e tyre me përgjegjësi

Kusari Lila e brengosur me mos-pastrimin e listave, pret nga komisionerët të kryejnë detyrat e tyre me përgjegjësi

22 tetor 2017 10:52

Kandidatja nga Alternativa për kryetare të Komunës së Gjakovës, Mimoza Kusari Lila, ka votuar sot në qendrën e votimit 0202X, në shkollën “Yll Morina” në Gjakovë.

Me këtë rast, kryetarja Kusari Lila, ka thënë se është me rëndësi që çdo qytetar të ushtroj të drejtën e votës së lirë dhe të ndjehet pjesë e zgjedhjes për Komunën e Gjakovës.

“Konsideroj se e gjithë fushata dhe i gjithë procesi deri më tani ka shkuar në mënyrë të rregullt dhe të qetë. Po shpresoj që çdo qytetar do ta shfrytëzoj të drejtën e votës, edhe pse ende mbetet brengë në vete mos pastrimi i listave, gjë kjo që krijon hapësirë për keqpërdorime, por kam besimin që komisionerët dhe gjithë të tjerët që janë të involvuar në këtë proces do jenë të përgjegjshëm në detyrë konform edhe përgjegjësisë ligjore”, tha ndër të tjera Mimoza Kusari Lila.

© KOHA. Të gjitha të drejtat janë të rezervuara.

Komentet

Shto koment

Të ngjashme