OSBE-ja do të mbështesë KQZ-në në organizimin e zgjedhjeve, thotë Braathu

OSBE-ja do të mbështesë KQZ-në në organizimin e zgjedhjeve, thotë Braathu

20 tetor 2017 18:44

Presidenti i Republikës së Kosovës, Hashim Thaçi, priti sot në takim shefin e misionit të OSBE-së në Kosovë, Jan Braathu, me të cilin bisedoi për organizimin e zgjedhjeve lokale që do të mbahen këtë të diele në vendin tonë.

“Të gjitha institucionet e vendit kanë ndërmarrë të gjitha masat që çdo qytetari të Kosovës t’i garantohet e drejta që të votojë, i lirë, pa frikë, në ditën e zgjedhjeve”, u shpreh Thaçi.

Shefi i misionit të OSBE-së Braathu ka shprehur gatishmërinë e OSBE-së për mbështetjen në organizimin e zgjedhjeve.

“OSBE do të mbështesë KQZ-në në organizimin e zgjedhjeve në gjithë territorin e Kosovës, posaçërisht në pjesën veriore të Kosovës”, u shpreh Ambasadori Brathu.

Thaçi gjatë takimit tha se Kosova ka ndërtuar traditë të mirë në organizmin e zgjedhjeve.

“Kosova ka dëshmuar se ka ndërtuar traditë të mirë në organizimin e zgjedhjeve fer, të lira dhe demokratike. Besoj se kjo praktikë e mirë do të rikonfirmohet edhe në zgjedhjet e së dielës, që do të mbahen në vendin tonë”, ka theksuar presidenti Thaçi.

© KOHA. Të gjitha të drejtat janë të rezervuara.

Komentet

Shto koment

Të ngjashme