Jashari: Skenderaj do t’i japë shembull Prishtinës dhe Tiranës për qeverisje të mirë

Jashari: Skenderaj do t’i japë shembull Prishtinës dhe Tiranës për qeverisje të mirë

11 tetor 2017 16:11

Komuna e Prishtinës dhe Tiranës do të kenë mundësi të marrin modelin e komunës së Skenderajt për qeverisje të mirë. Këtë e garantoi kandidati i pavarur për kryetar të Skenderajt, Bekim Jashari sot gjatë shpalosje së një aplikacioni digjital për raportimin e problemeve komunale.

Ky projekt i zotuar për këtë komunë është donacion në vlerë prej 100 mijë eurosh nga kompania “CEGIS” nga Prishtina që ka për qëllim shërbimin për transparencën dhe llogaridhënien komunale në Skenderaj, ku do të kenë qasje qytetarët me anë të një aplikacioni digjital t’i raportojnë ankesat e tyre për çdo problem.

Jashari këtë teknologji deklaroi se do ta funksionalizojë qysh në fillim të mandatit të tij si kryetar i Skenderajt.

“Qytetarëve të mi unë ju garantoj se qysh në fillim të mandatit të kryetarit të komunës do ta funksionalizojë këtë teknologji dhe do të përcjell rregullisht të gjitha ankesat dhe incidentet e raportuara, duke përcjell gjithashtu nivelin dhe shpejtësinë e reagimit të zyrtarëve të mi për zgjidhjen e këtyre problemeve. Ju e dini se transparenca dhe llogaridhënia janë jashtëzakonisht të rëndësishme për mua”, tha Jashari.

I biri familjes Jashari garantoi se ankesat e qytetarëve pas raportimit në këtë aplikacion do të shqyrtohen nga ana e komunës në mënyrën më të shpejtë të mundshme.

“Jam shumë i lumtur që sot falë teknologjisë moderne kemi mundësi që prej Skenderajt t’i japim shembull edhe Prishtinës, por pse jo edhe Tiranës për qeverisje të mirë ashtu siç kemi dhënë shembull për gjëra tjera në historinë dhe të kaluarën tonë. Mirëpres prezencën e mediave këtu dhe shoqërisë civile, duke qenë se pikërisht ju do të keni qasje periodike të garantuar me të dhënat e raportimit të ankesave të qytetarëve, si dhe në të dhënat kohës dhe mënyrës së reagimit te komunës nën drejtimin tim”, tha Jashari.

Pronari i kompanisë “CEGIS” Gazmend Gashi, ka shpalosur aplikacionin e raportimit për problemet komunale, i cili tha se fillimisht e kanë zhvilluar aplikacionin për qëllime komerciale dhe qëllimi i tij është të shitet nëpër komuna tjera dhe ka përfitime të mëdha prej tij, por duke ditur se qëllimi i Bekim Jasharit është i drejtpërdrejtë për t’i ndihmuar qytetarëve, kanë vendosur që këtë aplikacion t’ia japin falas komunës së Skenderajt.

Ai tha se aplikacioni është në platformën Android dhe ka formën e lehtë për instalim nga ana e qytetarëve dhe do të kenë mundësi të raportojnë për të gjitha problemet.

“Aplikacioni përdoret për raportimin e problemeve ku qytetarët do të kenë mundësi të raportojnë të gjitha problemet për rrugë, ujë, kanalizim apo ndërtime pa leje dhe gjëra të tjera. Është ndërtuar në platformën Android për qytetarin është aplikacioni mobil, i cili përdoret për raportim, ndërsa komuna e ka pjesën tjetër për monitorim të aplikacionit”, ka thënë Gashi.

Komentet

Berat Lahu13/10/2017 15:02

Ide shumë e mirë që të përdoren aplikacione për të rritur transparencën e kjo mëpastaj rrit edhe llogaridhënien. Kjo është mëse e domodsoshme, sidomos në Skenderajin e sakatuar nga PDK në çdo aspekt. Mirëpo, më duhet të ju informoj që Komuna e Prishtinës ka moti kohë që ka një sistem të tillë. Është filluar para 2 viteve me publikimin e të gjitha lejeve ndërtimore me krejt elementet përcjellëse dhe është deri në vendimet e Kryetarit të cilat nëse nëshkruhen në ora 9 në ora 11 janë të publikuara. Pastaj ekziston aplikacioni për ankesat, kërkesat, denoncimet e qytetarëve ku secili zyrtarët komunalë në kohë reale njoftohen me çfarëdo parregullësie që mund të ndodhë kudo diku në Komunë. E së fudmi Komuna e Prishtinës, në kuadër të planit të mobilitetit ka futur në funksion edhe aplikacionin për trafikun publik, ku qytetarët në kohë rele e dijnë se ku ndodhet stacioni më i afërt, autobusi më i afërt etj. Pra edhe një herë, shumë mirë që keni marrë mësim nga VETËVENDOSJE! se si qeveriset, duke parë qeverisjen në Komunën e Prishtinës.

Shto koment

Të ngjashme