Kandidati i LDK-së për kryetar të Klinës shpalos programin në Çabiq

Kandidati i LDK-së për kryetar të Klinës shpalos programin në Çabiq

05 tetor 2017 09:20

Kandidati i LDK-së për kryetar komune në Klinë, Besim Hoti bashkë me ekipin e tij takoi banorët e fshatit Çabiq.

Në fjalën e tij, Hoti përmendi gjendjen e keqe në arsim, duke evidentuar mangësitë më të cilat përballët ky sektor i rëndësishëm në Komunën e Klinës.

Gjithashtu Hoti përmendi problemet e shumta në Qendrën Kryesore të Mjekësisë Familjare dhe në të gjitha QMF-të dhe AMF-të në tërë territorin e Komunës së Klinës.

Hoti banorëve u prezantoi projekte konkrete në të cilat do të fokusohet qeverisja e ardhshme në Komunën e Klinës. Ai në fjalën e tij përmendi gjithashtu edhe rritjen e transparencës dhe përgjegjësisë para qytetarëve të Klinës, e cila do arrihet duke bashkëbiseduar për secilin projekt dhe shqetësim të tyre gjatë gjithë mandatit katër vjeçar 2017-2021.

Banorët e fshatit Çabiq konfirmuan edhe njëherë mbështetjen e tyre për kandidatin e LDK-së për kryetar komune, Besim Hotin dhe për kandidatët për anëtarë të kuvendit komunal në Klinë.

© KOHA. Të gjitha të drejtat janë të rezervuara.

Komentet

Shto koment

Të ngjashme