Haziri premton rrugë me katër korsi në Livoç

Haziri premton rrugë me katër korsi në Livoç

04 tetor 2017 18:09

Lutfi Haziri, kandidat i Lidhjes Demokratike të Kosovës për kryetar të Gjilanit, ka gjetur pritje të ngrohtë në Livoç të Epërm, në tubimin madhështorë të organizuar nga banorët e fshatit, njofton kumtesa partiake, transmeton Koha.net.

Banorët e këtij fshati kanë falënderuar kryetarin Haziri për investimet e mëdha infrastrukturore, përderisa janë shprehur se janë bërë bashkë bashkë, gra e burra e të rinj e të reja, për ta mbështetur fuqishëm, duke shfaqur besimin se më 22 tetor, ai do të rikonfimohet fuqishëm.

Fjalë falënderimi pati edhe Luta i LDK - së, i cili theksoi se kjo mbështetje përkthehet me përgjegjësi të madhe në punë.

“Në kuadër të programit tonë qeverisës 2017+, i kemi futur edhe kërkesat e banorëve të Livoçit për implementim gjatë katër viteve të ardhshme. Projekti më i rëndësishëm në këtë pjesë është ndërtimi rrugës katër korsi nga tuneli e deri të penda, duke e integruar këtë fshat në zonën urbane. Do të vazhdojmë të punojmë këtu dhe në secilin fshat të Gjilanit për t’ua bërë më të mirë jetën qytetarëve”, ka thënë Haziri.

Në këtë tubim është prezantuar para të pranishmëve edhe kandidati për asamble komunale, Idriz Ramadani, i cili mban numrin 29.

© KOHA. Të gjitha të drejtat janë të rezervuara.

Komentet

Shto koment

Të ngjashme