Abrashi nënshkruan Deklaratën për vendosjen e fëmijëve në qendër të agjendës

Abrashi nënshkruan Deklaratën për vendosjen e fëmijëve në qendër të agjendës

04 tetor 2017 13:37

Kandidati i Lidhjes Demokratike të Kosovës (LDK) për kryetar të Prishtinës, Arban Abrashi, e ka nënshkruar të mërkurën Deklaratën për mbrojtjen e të drejtave të fëmijëve me Koalicionin e OJQ-ve KOMF.

Në deklaratën e nënshkruar me KOMF-in, Abrashi zotohet për përfshirjen e fëmijëve në qendër të agjendës qeverisëse në pushtetin lokal pas zgjedhjeve të 22 tetorit.

“Unë zotohem se do t’i shtyjë përpara të gjitha pikat e Deklaratës për Fëmijët që e kam nënshkruar sot. Shumica prej këtyre pikave janë pjesë e programit tonë për qeverisjen e Komunës së Prishtinës”, ka thënë Abrashi.

Abrashi ka shprehur konsideratat më të larta për Koalicionin e OJQ-ve KOMF në mbrojtjen dhe promovimin e të drejtave të fëmijëve.

Ai është zotuar se puna në Komunën e Prishtinë do të jetë një derë e hapur për shoqërinë civile dhe do të përkrahen financiarisht projektet e tyre në interes të qytetarëve.

© KOHA. Të gjitha të drejtat janë të rezervuara.

Komentet

Shto koment

Të ngjashme