AAK anulon aktivitetet e fushatës zgjedhore në Rahovec pas aksidentit me dy të vdekur

AAK anulon aktivitetet e fushatës zgjedhore në Rahovec pas aksidentit me dy të vdekur

30 shtator 2017 13:57

Dega në Rahovec e Aleancës për Ardhmërinë e Kosovës ka anuluar aktivitet e fushatës paraelektorale për ditën e sotme, pas aksidentit në fshatin Rogovë në të cilën humbën jetën dy të rinj.

“Në shenjë respekti e nderimi për dhimbjen e familjeve Thaçi e Krasniqi, pas vdekjes së bijve të tyre në aksidentin tragjik, Shtabi Zgjedhor i AAK-së në Rahovec ka vendosur që të anulojë të gjitha aktivitetet dhe tubimin e paraparë për sonte. Ngushëllime të sinqerta”, është shkruar në njoftimin për media të kandidatit të AAK-së për kryetar të Rahovecit, Smajl Latifi.

Koha.net raportoi më parë se një 20-vjeçar dhe një 27-vjeçar, kanë vdekur në mëngjesin e sotëm në një aksident që ka ndodhur në fshatin Rogovë, magjistralja Gjakovë-Prizren.

Komandanti i Stacionit Policor në Gjakovë, Kristë Gjokaj, ka thënë për Koha.net, se dyshohet që aksidenti ka ndodhur si pasojë e shpejtësisë. Gjokaj ka treguar se vetura është përplasur në një pompë benzine, me ç’rast dy të rinjtë kanë vdekur.

Ditë më parë në Drenas vdiqën tre persona në dy aksidente të ndara që ndodhën brenda një nate.

© KOHA. Të gjitha të drejtat janë të rezervuara.

Komentet

Shto koment

Të ngjashme