Lidhja Demokratike e Kosovës në Gjilan ka zhvilluar një tubim parazgjedhor në lagjen Derëmahalla, Iliria dhe Qendra, ku, sipas një komunikate të kësaj partie, i kanë dhënë mbështetje të fuqishme kandidatëve Lirije Kajtazi, Imet Rrahmani, Valentina Bunjaku Rexhepi e Isa Agushi.
Kreu i LDK-së në Gjilan, Lutfi Haziri, simpatizantët e shumtë i ka përshëndetur me simbolin e tij të njohur të ushtarëve të Ibrahim Rugovës.
“Ushtari i Ibrahim Rugovës nuk është militar, është mësuesi, mjeku, nëna, baba, bujku. Definitivisht, nuk ka sallë që i zë ushtarët e Ibrahim Rugovës në Gjilanin tonë. Ju jeni dëshmia më e mirë se kah është orientuar qyteti jonë”, ka thënë i emocionuar Haziri.
Haziri tha se simpatizantët e LDK-së nuk e ndryshojnë besimin në Zot, familje e atdhe.
Kandidatja për deputete e LDK-së nga Gjilanit, Lirije Kajtazi, u shpreh e bindur se gjenerata e lirisë do ta sjellë zhvillimin, përparimin dhe mirëqenien për secilin.
Imet Rrahmani, kandidat për deputet, pasi ka falënderuar Hazirin për mbështetjen e fuqishme që i ka dhënë atij në karrierë, ka thënë se të gjithë duhet të votojnë më 11 qershor dhe ta fuqizojmë LDK-në, Gjilanin e Anamoravën,
Ndërsa, kandidatja Valentina Bunjaku Rexhepi, duke iu drejtuar të pranishmëve të shumtë, ka kërkuar besimin dhe angazhimin e qytetarëve shtëpi për shtëpi e derë më derë, deri në realizimin e fitores LDK-së, e cila tha do të ndodhë padyshim më 11 qershor.
Në fund të takimit, të pranishmëve i është drejtuar me një fjalë përshëndetëse kandidati Isa Agushi, duke theksuar se vetë prezenca e madhe në këtë tubim, është dëshmi se fitorja e Lidhjes Demokratike e Kosovës do të jetë e madhe më 11 qershor.
-
4 qershor 2017 17:37
-
Shpërndaje në: