Zgjedhjet 2019

Nis takimi i grupeve punuese mes LVV-së dhe LDK-së

Ka nisur takimi i katërt me radhë i Lëvizjes Vetëvendosje dhe Lidhjes Demokratike të Kosovës për të harmonizuar programin e mundshëm të Qeverisë së ardhshme.

Kësaj radhe, takimi është duke u zhvilluar në zyrat e Lëvizjes Vetëvendosje, ku përveç Avdullah Hotit dhe Lumir Abdixhikut, të pranishëm u panë të jenë edhe Arben Gashi dhe Armend Zemaj që përfaqësojnë LDK-në.

Kurse nga radhët e LVV-së u panë të jenë, nënkryetari Besnik Bislimi, anëtarja e kryesisë Albulena Haxhiu, Sami Kurteshi dhe Blerim Sallahu.

Këtë herë, tematikë e diskutimit besohet të jetë sistemi i drejtësisë dhe sundimi i ligjit.