Partia e Drejtësisë u është bashkuar disa partive që kanë shprehur shqetësimin e tyre për manipulimin e votave nga ana e komisionerëve, derisa thotë se i takon një deputet në Kuvendin e Kosovës.
“Partia e Drejtësisë (PD) me vëmendje po e përcjell gjithë procesin e rinumërimit të votave. Dhe ndjehet mjaft e shqetësuar me manipulimin e votave nga ana e komisionarëve”, thuhet në një komunikatë të PD-së.
Sekretari i përgjithshëm i PD-së njëherësh shef i shtabit, Eroll Venhari, ka deklaruar se, “PD është e shqetësuar me manipulimin e votave dhe se pret që pas rinumërimit të jetë e përfaqësuar në Kuvendin e Kosovës me një deputet. Sipas informatave që i kemi nga tereni ne kemi diku afër 5000 vota të kandidatit ton për deputet”.
“Ne i kemi mbledh të gjitha deklaratat e atyre të cilët na kanë votuar dhe që votat e tyre nuk kanë dalë. Ne po e presim të përfundon procesi i rinumërimit dhe t’i deponojmë ankesat tona në PZAP brenda afateve ligjore”, deklaroi Venhari.
-
20 tetor 2019 13:51
-
Shpërndaje në: