Zgjedhjet 2019

Haradinaj: 6 tetori është referendum se s’do të preken kufijtë e Kosovës

Foto: Koha / ilustrim

Në 28-vjetorin e Referendumit për Pavarësi të Kosovës, të mbajtur më 26 shtator 1991, kryeministri në detyrë, Ramush Haradinaj ka thënë se edhe në 6 tetor e kemi një referendum të ngjashëm.

Sipas tij zgjedhjet e 6 tetorit janë referendum dhe se nuk do të lejohet prekja e kufijve dhe sovranitetit, me të në krye të Qeverisë, transmeton Koha.net.

“Më 26 shtator 1991 populli i Kosovës masovikisht i është përgjigjur referendumit, për t’u deklaruar për pavarësinë e vendit. Ky akt historik, vulosi vullnetin e popullit tonë për të jetuar të lirë e të pavarur. Tani, 28 vjet më vonë, zgjedhjet që i kemi përpara janë referendum se nuk do të lejohet prekja e kufijve dhe sovranitetit, për ta çuar në vend amanetin e brezave”, ka shkruar Haradinaj në Facebook.

Përmes një komunikate për media bëhet e ditur se Haradinaj aktualisht gjendet në SHBA. Atje ai ka takuar zyrtarë të lartë amerikanë.