Tokio 2020

Rekordmeni i botës Van Niekerk dështon të arrijë në finale të 400-metërshit

Kampioni olimpik i “Rio 2016” në 400 metra vrapim, jug-afrikani Wayde van Niekerk, ka dështuar të arrijë në finale të kësaj gare në “Tokio 2020”.

Rekordmeni i botës në 400 metra, ka pasur telashe të marrë veten pas një serie të lëndimeve, që kur këputi ligamentet e gjurit në tetor të vitit 2017.

29-vjeçari në gjysmëfinale përfundoi i katërti në baterinë e tij, prapa kampionit të botës Steve Gardinerit të Bahameve, Michael Normanit të SHBA-së dhe Kirani Jamesit të Grenadës.