Tech

Samsung do të vijë edhe me 22 modele të reja të TV-së

Kompania Samsung nuk heq dorë nga televizorë të lakuar dhe se është duke planifikuar që të dalë në tregjet botërore edhe me 22 modele të reja, transmeton kp.

Kjo duket të jetë një befasi duke pasur parasysh se Sony dhe LG kanë hequr dorë nga televizorët e lakuar.

Kompania duket se do të fokusohet në televizorë, të cilët janë më të mëdhenj se sa 65 inç, përfshirë edhe modelin e fundit që është në krye të rangut të këtyre televizorëve QLED TV.

Një përfaqësues i Samsung ka bërë të ditur se tregu për televizorë të lakuar ka shënuar rritje çdo vit ndërmjet 20 deri në 30 për qind, duke i dhënë shpresa kompanisë se edhe në të ardhmen këta televizorë do të jenë atraktivë.