Atë që nuk pati mundësi ta bëjë në shumë ndeshje të ciklit kualifikues për botërorin "Rusia 2018", Kosova premton ta bëjë në miqësoren kundër Madagaskarit - të luajë ndeshje sulmuese, shkruan sot Koha Ditore.
Kosova, që në mesin e saj vlerësohet se ka shumë individë teknikisht të mirë në fazën e sulmit, për shkak të kundërshtarëve të fortë në ciklin kualifikues të botërorit, nuk arriti të luajë edhe aq shumë lojë sulmuese. Por futbollistët e Kosovës vlerësojnë se kanë mundësinë që kundër Madagaskarit ta tregojnë anën e tyre të fortë - lojën sulmuese.
Ndeshja miqësore ndërmjet Kosovës dhe Madagaskarit do të zhvillohet të shtunën (sot, 20:00) në një stadium në afërsi të Parisit, me rreth 3.000 ulëse dhe do të jetë debutuese për seleksionuesin e ri, Bernard Challandes. (Më gjerësisht mund të lexoni sot në Koha Ditore).
-
24 mars 2018 08:41
-
Shpërndaje në: