Kosova U19 në futboll e ka nisur me humbje aventurën në “Elite Round”, pasi pësoi disfatë nga Portugalia U19, 5:0.
Portugezët e dominuan thuajse gjithë takimin e zhvilluar të mërkurën, transmeton KTV.
2:0 përfundoi pjesa e parë, me portugezët që kaluan në avantazh që në minutën e pestë me Thierry Correia, e pas pesë minutash shënoi edhe Jose Gomes, rezultat me të cilin u mbyll pjesa e parë.
Në minutën e 52-të, Joao Filipe e trefishoi avantazhin, kurse në minutat shtesë, vendësit shënuan edhe dy herë tjera, me Gedson Fernandes dhe Mesaque Dju, për rezultatin final 5:0.
Përzgjedhësi Ramiz Krasniqi dhe lojtarët Lirim Kastrati, Edison Kqiku e Altrim Pajaziti e cilësuan këtë përballje mjaftë të vështirë.
Deklarata e trajneri Ramiz Krasniqi
Kosova është në Grupin 5 së bashku edhe me Republikën e Irlandës dhe Sllovakinë. Ndeshjen e radhës, Përfaqësuesja U19 e Kosovës në futboll e luan më 24 mars me Republikën e Irlandës. Nga 7 grupet e rundit “Elite”, vetëm vendet e para kualifikohen në Kampionatin Evropian që zhvillohet në Finlandë.
Deklarata e mbrojtësit Lirim Kastrati
Deklarata e Edison Kqikut
Deklarata e Altrim Pajazitit
-
21 mars 2018 23:01
-
Shpërndaje në: