Sulmuesi kosovar Besart Berisha është optimist se Melbourne Victory do të kalojë me sukses fazën e grupeve në Ligën e Kampionëve të Azisë, kanë njoftuar të martën mediumet australiane.
Melbourne këtë edicion është pjesë e Grupit F, së bashku me Shanghai SIPG, Ulsan Hyundai e Kawasaki Frontale, shkruan sot “Koha Ditore”. Pas katër xhirove të zhvilluara, Melbourne zë vendin e tretë në tabelë me pesë pikë, sa i ka edhe Ulsani në pozitën e dytë.
Prin Shanghai SIPG me dhjetë pikë. Deri në fund të kësaj faze grupore kanë mbetur edhe dy xhiro për t'u zhvilluar, kurse dy ekipet e para në grup avancojnë tutje.
“Të gjithë në ekip po ndihemi mirë dhe besojmë që mund të arrijmë diçka këtë edicion. Po ashtu, po shijojmë edhe udhëtimet e gjata në Kinë e Japoni”, tha Berisha, që ka shënuar dy gola në katër ndeshje.
-
21 mars 2018 10:57
-
Shpërndaje në: