Hasani nis të lërë gjurmë në futbollin hungarez

Hasani nis të lërë gjurmë në futbollin hungarez

05 mars 2018 09:06

Futbollisti i përfaqësueses U-21 të Kosovës, Florent Hasani, festoi gjatë në fushë golin e parë me fanellën e Diosgyorit. Festës së Hasanit iu bashkuan edhe lojtarët e tjerë që ishin në fushë dhe në pankinë. Ishte goli i fitores, goli për rezultatin 2:1, në ndeshjen me liderin e kampionatit të Hungarisë, Ferencvarosin.

Hasani golin e fitores e shënoi në minutën e 59-të të ndeshjes së zhvilluar të shtunën, që ishte e vlefshme për javën e 21-të të elitës së futbollit hungarez, shkruan sot “Koha Ditore”. Ai pranoi top në zonë dhe nga afërsia gjuajti saktë për të shënuar golin e vlefshëm tri pikë. Topi u prek nga një mbrojtës kundërshtar, por nuk u ndalë në rrugëtimin drejt rrjetës.

Për 20-vjeçarin ishte ndeshja e dytë kampionale në Hungari. Ai iu bashkua Diosgyorit muajin e kaluar nga kampionia e Kosovës, Trepça '89. Te skuadra mitrovicase ka luajtur si sulmues i krahut, ndërsa në Hungari po aktivizohet si mesfushor qendror. Pasi ka hapur llogarinë e golave, Hasani pret të vazhdojë me lojëra të mira... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme