Bashkimi sërish mbetet pa trajner, largohet Koukoulekidis

Bashkimi sërish mbetet pa trajner, largohet Koukoulekidis

07 shkurt 2018 09:36

Pas gjashtë ndeshjeve në krye të Bashkimit, trajneri grek Stratos Koukoulekidis është larguar nga klubi prizrenas.

Koukoulekidis e ka lënë klubin të martën, një ditë para ndeshjes ndaj Ibarit të Rozhajës, që zhvillohet në kuadër të Ligës Ballkanike, shkruan sot Koha Ditore.

Largimin e trajnerit grek e kanë konfirmuar edhe zyrtarët e klubit, të cilët kanë njoftuar se ekipin ndaj Ibarit do ta udhëheqë asistenti Illmen Bajra.

Koukoulekidis është trajneri i tretë që largohet nga Bashkimi gjatë këtij edicioni, pas Fotis Takianos dhe Petar Miloviqit.

Koukoulekidis te Bashkimi erdhi muajin e shkuar dhe e udhëhoqi ekipin në katër duele të IP Superligës së Kosovës në basketboll dhe dy të Ligës Ballkanike, duke regjistruar në total katër fitore e dy humbje. (Më gjerësisht mund të lexoni sot në Koha Ditore).

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme