Mesfushori Përparim Hetemaj mund të transferohet te skuadra e Cagliarit.
Kështu është raportuar të hënën nga mediumet në Itali. Hetemaj 31-vjeçar me skuadrën e Chievos ka kontratë deri në verën e këtij viti.
Ai nuk e ka vazhduar kontratën me skuadrën nga Verona. “Chievo është duke shikuar një futbollist për mesfushë në vend të Përparim Hetemajt që mund të transferohet te skuadra e Cagliarit”, shkruan “corrieredellosport.it”.
Ish-reprezentuesi i Finlandës, te Chievo është që nga viti 2011. Te Chievo u transferua nga Brescia.
Karrierë më herët ka bërë edhe te Twente në Holandë, AEK-u e Kalamarias në Greqi dhe Helsinki në Finlandë.
-
30 janar 2018 14:18
-
Shpërndaje në: