Pas fitores 7 me 1 ndaj Deportivos në xhiron e kaluar, Real Madridi ka shënuar edhe një fitore bindëse.

Në derbin e kësaj jave “Los Blancos” shënuan fitore prej 1 me 4 ndaj Valencias, raporton Koha.net.

Roanldo shënoi dy herë nga pika e bardhë në minutat 16 dhe 38 për të shkuar me epërsinë e dy golave në pushimin e pjesëlojëve.

Në pjesën e dytë Valencia ngushtoi epërsinë përmes Minas, që shënoi në minutën e 59 pas asistimit nga Parejo.

Megjithatë Reali shënoi edhe dy herë të tjera përmes Marcelos dhe Kroosit. Pas kësaj fitore Reali mban vendin e katër me 38 pikë, përderisa Valencia në një pozitë më lartë ka 40 pikë.