Sport

Kosova bie për një pozitë në FIFA, Shqipëria ngjitet për dy

FIFA ka publikuar renditjen më të re të kombëtareve.

Ndonëse në këtë periudhë nuk ka pasur asnjë ndeshje për të luajtur, Kosova ka rënë në pozitën e 178 në renditjen e re të FIFA-s.

Përfaqësuesja jonë ishte e 177-ta një muaj më parë, por ngjitja marramendëse e Kuvajtit që ka kaluar 15 vende ka bërë që ‘Dardanët’ të bien më poshtë, transmeton KosovaPress.

Ndërkohë, kombëtarja e Shqipërisë ka përfituar me renditjen e re, pasi që është ngjitur nga vendi i 62-të në pozitën 60.

Top 10-shja mbetet e pandryshuar ku kryeson Gjermania, e përcjellë me radhë nga Brazili, Portugalia, Argjentina, Belgjika, Spanja, Polonia, Zvicra, Franca dhe Kili.