Wenger thotë se s’ka pasur kontakte nga City për Sanchezin

Wenger thotë se s’ka pasur kontakte nga City për Sanchezin

09 janar 2018 11:19

Trajneri i Arsenalit, Arsene Wenger, thotë se klubi nuk ka marrë asnjë kontakt nga Manchester City për transferimin e kilianit Alexis Sanchez.

Kontrata aktuale e Sanchezit skadon në fund të sezonit dhe mësohet se City ka bërë gati një ofertë prej 35 milionë funteve për 29-vjeçarin. Megjithatë, Wenger thotë se s’ka pasur bisedime mes dy klubeve.

I pyetur nëse ka pasur një ofertë, Wenger ka thënë vetëm “Jo” në konferencën për media.

“Nuk pres asgjë. Jam i fokusuar për ndeshje. Kur ndodhin kërkesat ne ju përgjigjemi. Për momentin është shumë qetë. S’kam çka të shtoj”, ka thënë Wenger.

Arsenali luan me Chelsean në ndeshjen e parë të gjysmëfinales në Kupën EFL të mërkurën në mbrëmje.

© KOHA. Të gjitha të drejtat janë të rezervuara.

Komentet

Shto koment

Të ngjashme