Liverpooli bën përpjekjen e fundit për ta mbajtur Coutinhon

Liverpooli bën përpjekjen e fundit për ta mbajtur Coutinhon

03 janar 2018 12:52

Liverpooli raportohet se ka bërë përpjekjen e fundit për ta mbajtur Philippe Coutinhon në Anfield.

Barcelona është lidhur me një transferim të Coutinhos që prej afatit kalimtar të verës së kaluar dhe është raportuar se në janar mund të mbyllet kjo çështje me klubin spanjoll që duhet të paguajë shumë rekorde në Britani për të siguruar shërbimet e brazilianit.

25-vjeçari raportohet se tashmë ka zgjedhur numrin e fanellës në Camp Nou, por sipas Mundo Deportivos, Liverpooli për herë të fundit ka tentuar që t’ia ndërrojë mendjen.

Kjo gazetë raporton se Jurgen Kloppi i ka ofruar shiritin e kapitenit, derisa ka përgatitur edhe një kontratë të re, edhe pse Coutinhos i kanë mbetur katër vjet e gjysmë në kontratën aktuale.

Sipas gazetës spanjolle, mesfushori ka vendosur të kalojë në La Liga dhe pret që transferimi i tij të kompletohet para se të përfundojë muaji janar.

© KOHA

Komentet

Shto koment

Të ngjashme