Kameraj i Juventusit mes Zvicrës e Kosovës

Kameraj i Juventusit mes Zvicrës e Kosovës

26 dhjetor 2017 19:48

Nga Luzerni, te klubi i njohur italian Juventus.

Kjo është rruga që ka bërë futbollisti me prejardhje nga Jashanica e Klinës, Çendrim Kameraj, duke qenë pjesë e gjigantit italian, për grupmoshat e reja.

Kameraj që po qëndron në Kosovë për pushime, në një intervistë për Sportin në KTV ka folur për karrierën e tij, e cila ka nisur që në moshën 5 vjeçare.

18 -vjeçari ka kontratë tri vjeçare me klubin italian derisa luan në pozitën e mesfushorit, e shpeshherë edhe te mbrojtësit të djathtë.

Kameraj është pjesë e grupmoshave të reja të Zvicrës, por që disa javë në adresë të tij ka shkuar edhe ftesa e Kosovës për të cilën ai thotë, se ende nuk ka vendosur.

Çendrim Kameraj i ka zhvilluar 16 ndeshje që prej transferimit të tij gjatë verës dhe ka shënuar edhe një gol në garat e Ligës së Kampionëve për të rinj.

© KOHA. Të gjitha të drejtat janë të rezervuara.

Komentet

Shto koment

Të ngjashme