Rrebesh golash në Wembley Stadium - Kane me hat-trick thyen rekordin 22 vjeçar Foto: Reuters

Rrebesh golash në Wembley Stadium - Kane me hat-trick thyen rekordin 22 vjeçar

26 dhjetor 2017 15:19

Sulmuesi anglez, Harry Kane, ka shënuar hat-trick në fitoren e thellë të skuadrës së tij Tottenham Hotspur prej 5-1 kundër Southamptonit.

Me këtë 3 golësh, Kane theu rekordin 22 vjeçar të mbajtur nga anglezi Alan Shearer për më së shumti gola të shënuar brenda një viti kalendarik.

Serinë e golave s’pati se kush ta niste tjetër përveç tashmë edhe golashënuesit më të mirë të Premier Ligës, Kane (18 gola të shënuar këtë sezon). Në minutën 22 dhe 39, ai siguroi avantazh bindës ndaj Southamptonit, duke e çuar kështu skuadrën e tij në pushim me epërsi, raporton Koha.net.

Katër minuta me të filluar pjesa e dytë, Dele Ali shënoi për rezultatin 3-0 dhe vetëm 2 minuta më vonë, shënoi edhe Son Heung-Min pas një asisti nga Ali për rezultatin 4-0.

Skuadra mysafire mori paksa zemër në minutën e 64-të pasi shënoi gol përmes Boufalit për të ngushtuar epërsinë e Tottenhamit, mirëpo kjo nuk zgjati shumë pasi Kane, vetëm 3 minuta më vonë shënoi edhe golin e tretë të tij në ndeshje dhe të pestin për skuadrën.

Kur po luhej minuta e 82 e ndeshjes, Dushan Tadiq i Southamptonit shënoi për të ngushtuar epërsinë e thellë të vendësve në 5-2.

Me këtë rezultat edhe përfundoi ndeshja duke bërë që Tottenham të ngjitet në pozitën e 4-të ndërsa Southampton, skuadër që nuk di për fitore tash e 7 ndeshje, në të 13-tën.

© KOHA. Të gjitha të drejtat janë të rezervuara.

Komentet

Shto koment

Të ngjashme