Nisin ndryshimet te dy skuadrat e “vogla” të katërshes së madhe

Nisin ndryshimet te dy skuadrat e “vogla” të katërshes së madhe

26 dhjetor 2017 08:49

Golden Eagle Ylli në stinorin pranveror të Superligës së Kosovës në basketboll do të futet me synime të mëdha.

Skuadra nga Suhareka jo vetëm që do të kërkojë pozitën e dytë në tabelë, por do të tentojë edhe ta rivalizojë Sigal Prishtinën për trofetë, shkruan sot “Koha Ditore”.

Basketbollistët e Përfaqësueses së Kosovës, plejmejkeri Leonard Mekaj (Peja) dhe qendra Fisnik Rugova (S. Prishtina) pritet që shumë shpejt të jenë përforcimet e para të Yllit.

Rreth katër përforcime i ka konfirmuar edhe kryetari i klubit, Naim Berisha, por që nuk ka dashur të përmendë emra. Ai ka thënë se do të tentohen tre lojtarë vendorë dhe një i huaj, me të cilët tashmë janë në negociata. Te Ylli tashmë janë dy amerikanë, Michael Harmon e Taylor Bessick.

Ylli pjesën e parë të këtij edicioni e ka përfunduar në pozitën e tretë në tabelë, me 22 pikë, sa i ka edhe Rahoveci në të katërtën. Prin Sigal Prishtina me 28 pikë, e përcjellë nga skuadra e Bashkimit me katër më pak... (më gjerësisht lexoni sot në “Koha Ditore”)

Gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni.

© KOHA. Të gjitha të drejtat janë të rezervuara.

Komentet

Shto koment

Të ngjashme