Suarez: Neymar kurrë nuk do të kalojë te Reali

Suarez: Neymar kurrë nuk do të kalojë te Reali

05 dhjetor 2017 09:00

Luis Suarez nuk beson se ish-bashkëlojtari i tij te Barcelona, braziliani Neymar, do t'i bashkohet Real Madridit në të ardhmen.

Neymar është larguar nga Barcelona në verën e këtij viti duke iu bashkuar Paris Saint-Germainit për një shifër rekorde prej 222 milionë eurosh.

Së fundi është raportuar se Neymar mund të kthehet në La Liga në të ardhmen, por te rivali i përbetuar i Barcelonës, Real Madridi. Por Suarez nuk beson se kjo do të ndodhë.

"Nuk mund ta paramendoj Neymarin duke luajtur për Real Madridin, nuk e shoh këtë të ndodhë assesi", ka thënë Suarez për gazetën "Marca". "Unë e njoh Neymarin dhe e di admirimin që ka ai për Barcelonën dhe ish-bashkëlojtarët e tij dhe për këtë arsye nuk mund ta paramendoj atë të luajë për Real Madridin".

© KOHA. Të gjitha të drejtat janë të rezervuara.

Komentet

Shto koment

Të ngjashme