Sport

Reali, 80 milionë euro për Martial

Real Madrid është duke përgatitur një super-ofertë për Anthony Martialin e Manchester Unitedit.

Sipas mediave spanjolle, “Los Blancos” do t’i ofrojnë ‘Djajve të Kuq’ hiq me pak se 80 milionë euro për Martialin, transmeton ksp.

Madrilenët synojnë ta blejnë lojtarin verën që vjen, edhe pse sulmuesi 21-vjeçar në mënyrë të përsëritur ka shprehur dëshirën e tij për të qëndruar në ‘Old Trafford’.

Por, qëndrimi i tij në skuadrën e Jose Mourinhos është në dyshim pasi që Martial ka zhvilluar vetëm pesë ndeshje në Premier Ligë këtë sezon të garave.

Real Madridi shpreson të përfitojë nga frustrimet e tij dhe ta sjellë atë në kryeqytetin spanjoll.