Sahiti: Kosovës i duhet trajner që i përshtatet grupit Foto: Koha / Ilustrim

Sahiti: Kosovës i duhet trajner që i përshtatet grupit

19 nëntor 2017 16:19

Në fitoren “e çmendur” 4-3 ndaj Letonisë, Muharrem Sahiti ishte në krye të Kosovës.

52 vjeçari, që qëndron në stolin e “Dardanëve” që pas largimit të Albert Bunjakut, i ftuar në “Zona Gol” foli për emocionet e asaj mbrëmjeje, për të ardhmen e përfaqësueses që ai drejton dhe për rëndësinë e këtij suksesi, sidomos në aspektin psikologjik.

“Lojtarët kanë qenë në presion të jashtëzakonshëm, sepse s’kemi pasur fitore dhe emocionalisht nuk kanë qenë mirë. Kur shënuam golin e fitores, gëzimi ka qenë sikur fituam Botërorin”, është shprehur Sahiti për Supersport.

Sipas Sahiti, Kosova në eliminatoret e saj të para është përpjekur që të dhurojë një futboll dëfryes, bazuar edhe në cilësinë e lojtarëve që ka.

“Ne kemi kërkuar të zhvillojmë një mënyrë loje që rrit lojtarët. Nuk kemi aplikuar një lojë mbrojtëse për të mbytur kreativitetin, por kemi kërkuar një lojë sulmuese”, thotë ai.

Sahiti mohoi zërat se mund të vazhdojë në krye të Kosovës edhe në eliminatoret e ardhshme.

“Përzgjedhja e trajnerit të ri është kompetencë e presidentit Vokrri. Janë disa trajnerë që janë vetofruar, por duhet ta analizojmë me detaje situatën, për të marrë atë trajner që u përshtatet më shumë cilësive të lojtarëve, pra këtij grupi. Përfundimisht, mund t’ju them se do të jem në këtë detyrë derisa të gjendet trajneri i ri. Nuk mund ta pranoj këtë detyrë, pasi është një post që kërkon shumë përgjegjësi”, shprehet Sahiti.

Komentet

Shto koment

Të ngjashme