Kosova e vendosur për fitore dhe spektakël

Kosova e vendosur për fitore dhe spektakël

10 nëntor 2017 09:26

Pak shikues kishin dalë për ta përcjellë stërvitjen e parë të përfaqësueses së Kosovës në stadiumin "Rexhep Rexhepi" në Drenas. Por ata pak tifozë - rreth 20 - patën çfarë të shihnin, mbi të gjitha angazhimin e lojtarëve për çdo top.

Presionin që e kishin në ndeshje eliminatore më nuk e kanë dhe kjo vërehej tek gjithsecili prej tyre, shkruan sot Koha Ditore.

Qysh në stërvitjen e parë ata u shprehën të bindur se do të dalin fitues nga miqësorja kundër Letonisë, që zhvillohet më 13 nëntor në stadiumin "Adem Jashari" në Mitrovicë. Në fakt, fitoren thonë se e kanë obligim për zhgënjimin që ua kanë sjellë tifozëve gjatë eliminatoreve për Botërorin "Rusia 2018", ku u regjistruan nëntë humbje dhe një barazim.

15 prej 20 futbollistëve të ftuar do të luajnë për herë të parë në Kosovë. Kjo i bën ata edhe më të motivuar për të kërkuar fitoren, të parën pas një viti e gjysmë gati.

(Më gjerësisht lexoni sot në Koha Ditore)

Tash gazetën Koha Ditore mund ta lexoni edhe online. Këtu mund të gjeni sqarimin se si mund të abonoheni. 

© KOHA. Të gjitha të drejtat janë të rezervuara.

Komentet

Shto koment

Të ngjashme