Leipzigu thotë se Keita nuk do t’i bashkohet Liverpoolit në janar

Leipzigu thotë se Keita nuk do t’i bashkohet Liverpoolit në janar

08 nëntor 2017 15:46

Drejtori sportiv i Leipzigut, Ralf Rangnick, ka deklaruar se nuk ka shanse që mesfushori Naby Keita t’i bashkohet Liverpoolit para verës së ardhshme.

Reprezentuesi i Guineas ka marrëveshje për të kaluar te Anfieldi gjatë verës, ndërsa kohëve të fundit u raportua se Liverpooli dëshiron ta transferojë atë në janar nëse Leipzigu eliminohet nga Liga e Kampionëve.

“Edhe nëse nuk e arrijmë fazën tjetër të Ligës së Kampionëve, nuk ka logjikë që ta lejojmë largimin e Nabyt drejt Liverpoolit më herët. Duam të kualifikohemi sërish për Evropë, ai na duhet”, ka thënë ai për Leipziger Volkszeitung.

Keita sivjet ka nisur dobët sezonin e ri duke u përjashtuar në tri ndeshje për klubin dhe kombëtaren.

© KOHA. Të gjitha të drejtat janë të rezervuara.

Komentet

Shto koment

Të ngjashme