Trajneri i Manchester Unitedit, Jose Mourinho është ndarë i kënaqur me një pikë të fituar në “Anfield Road” ndaj Liverpoolit.

“Djajtë e Kuq” arritën të marrin një pikë në derbin e kësaj jave në Premier Ligë ndaj Liverpoolit, duke barazuar 0-0, transmeton kp.

“Kundërshtari ka qenë i fortë, por ne bëmë lojën tonë në pjesën e parë. Kishim disa raste të mira dhe kontroll të mirë të lojës, ndërsa në pjesën e dytë, unë nuk kisha zgjidhje në stol për ta larguar Matiqin, i cili ishte i lodhur dhe për ta bërë sulmin më dinamik”, tha Mourinho.

“Nuk kishte asnjë mënyrë që ta çojmë ndeshjen në një drejtim tjetër, kështu që për ne një pikë është pozitive”, theksoi tekniku portugez.