Sport

F1, Vettel-Raikkonen përfundojnë garën para kohe

Ajo që pritej të ishte gara e duhur për Ferrarin për t’u rikthyer te fitorja, u kthye në makth për ekipin italian.

Që në metrat e para të Çmimit të Madh të Singaporit, Sebastian Vettel dhe Kimi Raikkonen janë detyruar të braktisin garën. Një kontakt mes finlandezit dhe Max Verstappen bëri që Ferrari të humbte kontrollin dhe të përplasej fillimisht me Ferrarin tjetër të gjermanit, duke e dëmtuar atë në pjesën anësore, shkruan tch.

Raikkonen dhe Verstappen dolën nga pista duke u përplasur sërish me njëri-tjetrin, ndërsa Vettel doli nga pista pas disa metrash, duke mos e kontrolluar dot më njëvendëshen e tij të dëmtuar shumë nga kontakti në metrat e para.